Безосовите 200 милијарди долари наредени во банкноти од 1 долар – знаете ли како изгледаат?!

222

Популарниот американски астрофизичар Нил де Грас Тајсон на сликовит начин опиша колку е всушност богат сопственикот на „Амазон“, Џеф Безос.

На својот Инстаграм профил тој на интересен начин опиша 200 милијарди долари, колку што изнесува богатството на Безос.

„Никој не ме праша за тоа, но ако банкнотите од еден долар во вкупен износ од 200 милијарди долари, колку што изнесува богатството на Безос, се наредат една покрај друга, тие би биле доволни 180 пати да ја обиколат планетата Земја.

До Месечината би можело да се стигне и да се врати 30 пати, а од остатокот од парите може да се направи куп висок 10 километри“, посочи Де Грас Тајсон, пренесува „Klix“.

Инаку, пред неколку дена најбогатиот човек во светот стана уште побогат, а неговото богатството достигна неверојатни 200 милијарди долари.

Американското бизнис-списание „Форбс“ смета дека богатството на Безос е најголемото досега, а компанијата „Амазон“ работи исклучително добро.