Бавна вакцинација во Србија, од делта сојот дневно се заразуваат 3000 лица

39

Во Србија дневно се употрбуваат од 1.600 до 6.500 дози вакцина против коронавирус, од кои со втора доза меѓу 400 и 1.800 и трета или таканаречена бустер доза до 4.500, а од делта сојот дневно се заразуваат 3000 лица, јави дописникот на МИА од Белград.

Координаторот на пунктот за вакцинација на Белградскиот саем Зоран Бекиќ изјави дека вакцинацијата е забавена во цела Србија и дека во текот на февруари и март минатата година имало денови кога бројот на дадени дози достигнувал 82.000, што е, како што рече, бројка која од почетокот на 2022 година не е достигната.

-Бустер доза досега примиле 33 отсто од возрасните, а во возрасната група од 12 до 17 години, која има вкупно 414.000 жители, вакцинирани се само 3,8 отсто, што е околу 15.000 млади лица, изјави Бекиќ.

Тој додаде дека дневно на Белградскиот саем, најголемиот пункт за вакцинација во Србија, се аплицираат меѓу 280 и 350 дози вакцина против коронавирус.

Србија вчера евидентираше рекорден број на новозаразени, 19.904 лица.