Шпанскиот тенисер Карлос Алкараз се пласираше во осминафиналето на Ролан Гарос. Беше подобар од Денис Шаповалов со 6:1, 6:4, 6:2. Во моментов првиот светски рекет покажа апсолутна надмоќ во однос на противникот кој е четири години постар.
Тој беше особено доминантен во првиот сет кој го доби за нешто повеќе од половина час игра. Единствените мали проблеми беа во вториот дел од играта.
Канаѓанецот рано направи бреј.но Карлос се врати веднаш. Но, Шаповалов уште еднаш му го одзеде сервисот на противникот. Успеа да дојде до водство од 4:1 и таму застана. Шпанецот врза пет гема по ред и стигна до 2:0 во сетови.
Тој продолжи во полн ритам и во третиот сет и рутински стигна до следната рунда каде ќе игра со Лоренцо Музети.
Петтиот тенисер во светот Стефанос Циципас вечерва се пласираше во осминафиналето на Отвореното првенство на Франција, откако во Париз го совлада аргентинскиот играч Диего Шварцман со 6:2, 6:2, 6:3. Грчкиот тенисер за два часа и три минути ја забележа победата над 95. тенисер во светот и полуфиналист на Ролан Гарос во 2020 година.
Во осминафиналето на парискиот гренслем на земјина подлога се пласираше и Италијанецот Лоренцо Мусети, 18-тиот играч на АТП листата, кој го совлада петтопласираниот Британец Камерон Нори со 6:1, 6:2, 6:4.
