Авганистан: Ќе бидат ослободени околу 10.000 затвореници поради пандемијата

21
Afghan policemen try to rescue a child at the site of a suicide attack followed by a clash between Afghan forces and insurgents after an attack on a Shi'ite Muslim mosque in Kabul, Afghanistan, August 25, 2017. REUTERS/Omar Sobhani

Авганистан ќе ослободи најмалку 10.000 затвореници на возраст над 55 години, жени и затвореници со нарушено здравје во обид да го спречи ширењето на коронавирусот, соопштија официјални лица.

– Претседателот издаде указ дека неколку илјади затвореници наскоро ќе бидат ослободени заради коронавирусот, изјави официјален претставник во Кабинетот на претседателот Ашраф Гани.

Според шефот на затворите во таа држава Рашед Тотакали, меѓу 9.000 и 10.000 затвореници ќе бидат ослободени во следните 10 денови.

Во таа одлука не се вклучени членови на исламистичките екстремистички групи на талибанците или на ИД.

Во Авганистан досега се пријавени 84 случаи на Ковид-19, и два смртни случаи.